最新｜葉蒨文港姐綵排獲驚喜提前慶生 大讚好sweet太驚喜！

葉蒨文為《2024香港小姐競選》擔任重量級表演嘉賓 ，闊別選美舞台20年後再次因為主題「Proud to be a Woman」應允參與演出。Sally日前同老公名Lam 林子祥現身排練，同由佢點名一齊演出嘅新生代歌手 黃洛妍 趙紫諾 XiX三位成員Crystal、Charlotte、Caitlin 加上 趙頌宜 劉詠彤 同 洪心怡 一齊排練。

嘉賓葉蒨文一到場就獲佳麗送上蛋糕預祝生日
競選前夕Sally再度現身總綵排，9月30日就踏入63歲嘅佢，仲獲大會秘密安排為佢預祝生日，現場眾人唱生日歌，令佢非常開心又驚喜。

大感驚喜嘅Sally，事後即認真投入綵排
Sally笑問今日幾多號，而佢生日願意就係希望呢個騷好正，大家都好開心、大家都做得好好，然後Sally就吹蠟燭同切蛋糕，再次感謝大家為佢慶祝。Sally受訪時笑指自己未到年齡，覺得好sweet太驚喜，自己冇諗過咁早收蛋糕。

佢大讚佳麗窩心，仲祝大家聽日有難忘嘅回憶