陳山聰孖龔嘉欣澳洲會粉絲 捐出拍賣品行善獲好成績

陳山聰、龔嘉欣日前到澳洲出席多個活動為TVB宣傳，佢哋現身一個中秋嘉年華，以及喺餐廳搞見面會，又出席慈善晚宴，對粉絲合照要求自拍來者不拒。而山聰同嘉欣喺慈善晚宴更捐出咗好有意義嘅物品進行拍賣，嘉欣特意捐出多年前首次擔演女主角劇集《堅離地愛堅離地》時嘅一對耳環，而山聰就挑選咗喺《反黑英雄》中嘅一隻軍表，獲得好好嘅拍賣成績。
龔嘉欣同陳山聰去到當地探訪療養院及老人院。

兩人都收到由84歲婆婆親手刺繡嘅畫。
兩位嘅澳洲之旅唔只會粉絲，佢地更到訪當地療養院以及長者中心探訪，同老友記玩遊戲，山聰仲唱埋首本名曲《ABCD》。正所謂施比受更有福，喺送暖嘅同時，兩人都收到由84歲婆婆親手刺繡嘅畫，令佢哋好窩心，返港後必定會好好珍藏。
陳山聰同龔嘉欣現身一個中秋嘉年華。
澳洲之旅行程緊湊，兩位急急腳參與咗唔少活動，令佢哋最難忘嘅係大型嘉年華，因為可以同悉尼嘅觀眾近距離接觸，加上當地天氣環境好舒服，希望大家都有個愉快中秋節。
澳洲之旅行程緊湊，龔嘉欣同陳山聰參與咗唔少活動。