葉蒨文率新世代登場跳唱成亮點 港姐葉蒨文成功與莎莉集郵

《2024香港小姐競選》決賽夜除咗佳麗比賽精彩之外，相隔20年重臨港姐舞台嘅樂壇天后葉蒨文，帶領住多位新生代歌手共同演出，令節目全晚推至高峰，年屆62歲嘅莎莉又唱又跳活力十足。

葉蒨文帶領多位新生代歌手共同演出，令節目全晚推至高峰。

出場前莎莉做足運動拉筋，見佢筋骨相當柔軟，莎莉同年青歌手們一齊連唱多首快歌仍然表現從容，而完成演出後莎莉更逐一同每位後輩擁抱以示鼓勵，難掩興奮心情大嗌好玩，又讚一班後輩表現出色。

出場前莎莉做足運動拉筋，見佢筋骨相當柔軟。
莎莉喺後台同大家打成一片。
莎莉話自己多年冇喺電視上拍攝，唔知道望咩方位，所以好緊張，但又唔敢出聲，驚會影響到人哋都緊張埋一份，只好叫大家加油。一班新生代獲莎莉加持，實行以愛的表現答謝莎莉，令莎莉好窩心話突然間多咗好多個女，場面溫馨。連獎門人曾志偉亦大讚莎莉好有心，一手挑選歌手同參與揀歌，締造一個精彩嘅傳承環節。
花旦們紛紛上前集郵。
天后難得光臨電視城，陳庭欣、劉穎鏇等放低港姐身份，排住隊同莎莉合照，而同莎莉同名嘅葉蒨文Sophie Yip終於可以同天后葉蒨文本尊合照，莎莉非常親民來者不拒，但笑言身邊嘅葉蒨文比自己後生好多。
葉蒨文同葉蒨文合照。
另外港姐冠軍黃嘉雯Carmaney重臨港姐舞台帶領住一眾師姐們以耍劍展示女姓剛强一面，Carmaney吊威吔出場，喺半空中打空翻，要喺短時間裡面學識呢套動作，負責動作訓練嘅龐景峰都大讚Carmaney表現好好。
陳庭欣都有集郵。
擔任最上鏡小姐評判嘅陳法蓉見到梁嘉莹獲獎一刻感觸落淚，即勾起佢當年參選回憶。今年嘅決賽破天荒起用全女班司儀陣容，當中唔少仲係大騷主持新手，但佢哋表現得好淡定，而大騷經驗豐富嘅麥美恩就話可以放心做自己最擅長嘅崗位搞事，實情係臨場幫參賽者攞分。
黃嘉雯Carmaney帶領住一眾師她們以耍劍展示女姓剛强一面。