三太樊亦敏出席童星盧頌恆畢業禮拍劇結下「母子」情由劇中伸延至現實

樊亦敏（Amy）憑《愛·回家之開心速遞》龍家三太白天娥一角入屋，而三太總係帶畀人哋歡樂，廣結善緣，性格爽朗仗義嘅樊亦敏，今日（12號）喺社交平台分享多張同曾合作拍劇嘅小童星盧頌恆嘅合照，原來佢哋多年嚟一直咁老友，樊亦敏今年仲出席對方大學畢業典禮。

樊亦敏今日喺社交平台分享多張同曾合作拍劇嘅小童星盧頌恆嘅合照。
原來樊亦敏同童星盧頌恆劇中飾演母子而結緣，當年喺2011年拍劇《賭海迷徒》第3集「褪色媽媽」，講樊亦敏飾演過度沉迷賭博嘅阿媽，因賭而慢慢忽略阿仔，後尾更發現老公出軌，借賭麻醉自己，結果賭到幾乎要自殺。盧頌衡飾演嘅希仔雖然戲份唔多，但係佢有幾場情緒戲，特別係佢淒涼求媽媽唔好再賭，希望媽媽留喺屋企嘅場面，令人為之動容，佢哋呢段「母子情」更延續到而家！

樊亦敏同童星盧頌恆劇中飾演母子而結緣，當年喺2011年拍劇《賭海迷徒》第3集「褪色媽媽」。
樊亦敏今年出席對方大學畢業典禮，仲開心一齊影合照：「祝福你幸福快樂美滿，並要好好守護你身邊的家人，尤其你的媽媽。」樊亦敏喺文末更相當鬼馬寫上：「我獲得你媽媽批准，我也是你半個阿媽，所以以後你識點做啦。」

樊亦敏同童星盧頌恆呢段「母子情」更延續到而家！

童星出道嘅盧頌恆參演過多套劇集同電影，包括電影《救火英雄》余文樂兒子「游水」、《竊聽風雲3》周迅兒子「陸日生」；TVB劇集《陪著你走》陳豪童年、《警犬巴打》黃宗澤童年等，即使已踏入青少年期，佢亦有繼續演出戲劇，當中包括樊亦敏有份主演嘅《愛·回家之開心速遞》。盧頌恆嘅社交平台不時會見到佢分享過去工作同藝人嘅合照，包括古天樂、周迅、葉蒨文、胡定欣，亦有同樊亦敏相聚嘅照片，可見二人感情極好，真係猶如同母子一樣！

童星出道嘅盧頌恆參演過多套劇集同電影。二人感情極好，真係猶如同母子一樣！盧頌恆嘅社交平台不時會見到佢分享過去工作同藝人嘅合照。盧頌恆喺《竊聽風雲3》飾演周迅兒子「陸日生」。