譚輝智中山開騷再現招牌舞姿 歌迷準備蛋糕慶祝40歲牛一

中聲2人氣王 譚輝智 比賽後工作不斷，日前佢去到中山舉行音樂會，首次赴外地登台嘅輝智人氣一時無兩，現場氣氛熱烈，輝智亦賣力跳唱《屈到病》，以招牌舞姿回饋大家嘅支持。

譚輝智日前到中山開騷，大受歌迷歡迎
除咗跳唱，當然唔少得輝智拿手嘅抒情歌啦！見輝智喺台上深情獻唱，台下觀眾亦表現投入，氣氛溫馨又熱鬧。

完騷之後輝智心情大靚：「感覺好好，今日嘅氣氛好好，好熱情，好開心，希望繼續會接呢啲內地嘅騷。」
佢仲話大家夠晒熱情，非常好玩，希望下次再見大家見面

呢日中山嘅歌迷仲準備咗蛋糕，為輝智慶祝40歲生日。而今次中山行，輝智都有帶埋太太同行，開騷之餘仲可以趁機度假，周圍飲飲食食，享受下二人世界。
講到《中年好聲音3》已經如火如荼展開賽事，輝智都話有留意，亦勾起自己參賽嘅回憶。「因為我都有入去佢哋嘅等候室，見到佢哋個個喺度練歌，都回想返上年自己都係好緊張，其實見到佢哋緊張係好事，因為完咗比賽佢地就會好掛住當時緊張嘅感覺。」

仲寄語《中聲3》嘅朋友繼續努力比賽