周吉佩落鬧市擔任店長推銷新碟 自揭曾放女星公仔喺床頭！

周吉佩（吉吉）呢日現身旺角鬧市去一間唱片店擔任一日店長，親力親為推銷自己新碟，見粉絲踴躍支持，佢更即場為粉絲簽名留念，吉吉話呢張新碟紀錄自己過去一年半嘅工作經歷。

周吉佩呢日現身鬧市。
吉吉認為《你是我唯一的》係最有意義，呢首歌係佢加入公司後第一隻推出嘅歌，事隔十幾年嘅第一隻單曲，吉吉話讀書嗰陣不時行唱片店，舊地重遊充滿回憶，吉吉自爆買過多位女歌手唱片包括梁詠琪、張栢芝及楊千嬅，吉吉仲將栢芝嘅figure公仔放喺床頭添！

周吉佩去到唱片店為自己新碟宣傳。
吉吉每次出席活動，吉S粉都出心出力支持，呢日都唔例外，唱片店外企滿人，吉吉喺《中年好聲音》後，同吉S粉相處咗一年半，獲得吉S粉嘅愛戴，大家建立嘅感情好深厚，吉吉好感謝歌迷風雨不改支持。
吉吉擔任一日店長。