黎耀祥現身工展會師奶讚靚仔 對四度封視帝抱平常心

一年一度嘅工展會舉行中，啱啱過去嘅星期日就有明星現身， 黎耀祥 現身工展會為佢代言嘅品牌單任一日店長，憑祥仔嘅號召力，當然吸引大批市民幫襯啦！祥仔仲好識做，送咗好多贈品比幫襯嘅市民，氹得大家好開心。

一向親民嘅黎耀祥到工展會擔任一日店長
祥仔呢個店長唔單止事事親力親為，仲秉承好客之道，對顧客合照要求來者不拒，仲得到唔少fans大讚佢真人好靚仔，搞到祥仔不知幾開心，贈品梗係都越送越多啦！
祥哥仔大受市民歡迎，紛紛要求合照

好快就到《萬千星輝頒獎典禮2024》，祥仔憑《巾幗梟雄之懸崖》「柴十七」一角再度成為視帝大熱，唔少人都睇好佢有機會破紀錄四度封視帝，不過祥仔反而對自己冇乜信心：「我係希望大家支持頒獎典禮，支唔支持我就冇所謂，最重要支持TVB嘅演員，因為觀眾嘅每一票都係對每一個演員嘅鼓勵。」

有指祥哥仔今年有機會再次挑戰視帝寶座