杏兒Yoyo葉劉旗袍照流出中秋變古典美人派福利

中秋佳節唔少朋友都聚首團圓，呢個重要節日亦成為唔少人扮靚慶祝嘅重要場合，好似胡杏兒就以一襲白色旗袍，大騷佢嘅事業女性型格美態，加上抱住石愛兔仔拍攝，就更加配合中秋節主題喇。

杏兒嘅旗袍裝扮又靚又型格

加上兔仔合照就更加配角節日氣氛

上個月踏入43歲嘅陳自瑤，喺中秋節大派福利，Yoyo喺社交平台送上一輯旗袍照，著上貼身開叉旗袍嘅Yoyo，盡顯玲瓏浮凸嘅美好身段，束起髮髻嘅佢舉手投足都流露住古典美人嘅氣質，Yoyo仲寫道：「祈願您心靈深處，好花常開，好景常在，好運永遠盈滿胸懷！祝親愛的您們中秋節快樂！圓圓滿滿！平安順遂！」
Yoyo呢輯靚相一出，佢嘅好姊妹連詩雅同埋黃翠如都急不及待留言讚好，仲話「babyyyyyy太美啦」、「下次唔該想要呢個造型同我哋食飯」而Yoyo亦幽默回覆：「咁要麻煩你等我3個鐘先」。

Yoyo日前獲好姊妹慶祝43歲生日