郭富城抵台北飯店過百歌迷等候場面墟冚 除口罩與歌迷合照勁親民

天王郭富城（Aaron）相隔5年再喺台北開騷，今年12月底喺小巨蛋舉行個唱，噚日佢飛抵達桃園機場，為今日舉行嘅記者會作準備，佢好掛住台灣麻辣火鍋，城城粉絲先喺機場守候接機，跟住就有過百歌迷喺城城下塌嘅酒店等候。

過百歌迷喺城城下塌嘅酒店等候，場面非常墟冚。
城城全程舉止言行亦相當親民，主動走近粉絲堆為佢哋簽名，接住跟粉絲影大合照，城城大方除下口罩與歌迷合影，當聽到忠粉希望佢喺演唱會唱多啲懷舊歌曲，城城亦爽快答應！

城城全程舉止言行亦相當親民，主動走近粉絲堆為佢哋簽名，接住跟粉絲影大合照。
城城受訪時指嚟台灣開發佈會覺得好開心，一來可以見吓歌迷，二來係食佢最愛嘅麻辣火鍋，之後由在場工作人員護送離開，據稱城城此行預計快閃逗留2日，而老婆方媛則未有同行。

城城受訪時指嚟台灣開發佈會覺得好開心，一來可以見吓歌迷，二來係食佢最愛嘅麻辣火鍋。
經理人小美就喺社交平台上載城城與團隊喺追月夜抵台北嘅影片，場面墟冚。小美透露今次製作組喺當地提早同工程團隊開會，希望盡力呈奉最好演出，「Aaron看到長情又暖心的歌迷們冒雨也在守候，特別感到窩心。12月台北Iconic 之約。定必全力以赴」。

城城由在場工作人員護送離開，據知佢此行預計快閃逗留2日。