多圖丨Jacky仔王樹熹移居日本 由童星蛻變成花美男

四歲就已經入行做童星嘅「Jacky仔」王樹熹，當年與同樣係童星嘅哥哥王秉熹，演出過唔少劇集、廣告同電影，好似喺電影《童夢奇緣》中飾演童年版嘅劉德華、喺劇集《爸爸閉翳》入面演歐陽震華個仔，同埋最近重播嘅劇集《隨時候命》入面，同林保怡飾演兩父子等；而喺高峰時期Jacky仔試過一年拍11套劇同近20個廣告，產量相當之高。

當年Jacky仔喺電影《童夢奇緣》入面演童年版嘅劉德華。當年Jacky仔拍過唔少廣告。

Jacky仔喺城大畢業後就搬咗去日本居住同工作，啱啱度過咗26歲生日嘅佢，由於劇集重播嘅關係，令大家再次記起呢位童星，同時亦翻出佢嘅社交帳號，當中有唔少Jacky仔喺日本嘅生活照，好似春天去賞櫻花、夏天去睇花火大會、秋天去睇紅葉等。

Jacky已經移居日本。眨下眼已經 26歲。Jacky仔十足十花美男。Jacky仔不時會喺社會平台分享生活照。由可愛變成帥哥。

退去稚氣嘅Jacky仔，打扮十足一個花美男，而佢最新一個post，就係講關於自己26歲嘅生日，佢以中、英、日文寫道：「咁就26歲。多謝大家嘅message，呢一年實在有好多事發生，不過感激大家嘅關心同支持。係四捨五入就30嘅一年會繼續努力學習同成長～ thanks again for all your support❤️」Jacky仔唔少朋友都有留言祝賀，亦有劇迷喺帖文中留言話而家每晚睇《隨時候命》都會見到佢，感覺好神奇呀。
Jacky仔（左二）同哥哥王秉熹（右一）都係童星出身。
另外，Jacky仔嘅哥哥王秉熹亦移民咗去英國定居，仲由幕前轉為幕後做Producer。

Jacky仔同王秉熹感情好好。Jacky仔 同 哥哥王秉熹。