賈思樂難忘戚美珍夠義氣 細訴多年真摰友誼點滴

賈思樂（Louie）嘅慈善演唱會即將喺十月初舉行，Louie入行即將50週年，喺圈中人緣甚好嘅佢亦邀請唔少藝人好友到時擔任嘉賓。最令Louie難忘嘅其中一段友誼，就係同三嫂戚美珍嘅多年友情喇！ 

賈思樂相約戚美珍去酒吧耍樂。

講到最初同三嫂認識經歷，Louie就話最初同三嫂並唔認識，即使後來認識三哥苗僑偉，三嫂亦會同大家一齊玩，但由於三嫂比較文靜，所以都未算真正熟悉。一直到Louie同三嫂喺《蝦仔爹地》合作，十年嘅共事經歷令二人默契及友誼升溫，更有唔少趣事發生，其中就包括一次「煲湯事件」！ Louie透露，當時自己初次嘗試煲湯，由於對材料配比一無所知，擺咗一包紅青蘿蔔同一包蜜棗，令煲湯甜到非常離譜。於是就急Call住係鄰近嘅三嫂邀請佢飲湯，啖湯甜到三嫂幾乎噴出嚟，非常搞笑。 

賈思樂30歲生日，張國榮（上右1）、戚美珍（上左5）、陳玉蓮（上左3）、鄭裕玲（下左2）等人都有出席。

雖然Louie同三嫂後來離開TVB，一個轉戰電台一個從商，但當三嫂聽到Louie需要搵演唱會贊助商時，即使二人多年未有再見，但三嫂一收到電話就即刻答應，更寫咗一張金額達到Louie要求兩倍嘅支票，又任Louie揀最新款時髦嘅眼鏡可以做訪問時用到，又話Louie是佢永遠嘅International Superstar」。再加上喺多年後，三嫂知道Louie自資籌備《蝦仔爹地》音樂劇，更義氣買咗十萬蚊門票捧場，又一直鼓勵Louie。種種事情都令Louie感動不己，非常難忘，亦表示會非常珍惜三嫂呢位朋友。

賈思樂跟戚美珍在台慶有表演環節，出場前在台後準備。賈思樂和戚美珍為《賈思樂ME & MY GIRLS in Concert 2019》演唱會拍攝宣傳海報。賈思樂、戚美珍、林建明、盧海鵬和陳山河，拍攝《蝦仔爹哋》前在化妝間合照。