剪裁魔法師丨10位本地設計師為藝人打造戰衣 胡定欣袁偉豪擔任主持

香港電視史上首個推廣本地時裝設計師才華嘅真人騷《剪裁魔法師》將於9月21號逢星期六晚上9點半播出，節目由胡定欣同袁偉豪擔任主持。
一眾藝人擔任星級模特兒。
呢個真人騷一共分為5集，能夠參與節目嘅10位本地設計師，全部經過海選成功入圍，眾人將喺節目上接受唔同挑戰，10位設計師每人會配對一個藝人，就不同主題進行設計。

陳禎怡擔任星級模特兒。
10位時裝設計師為藝人打造戰衣，期間設計師與藝人進行溝通，為佢哋創作概念同要求嚴選合適布料，最終作品由藝人示範展出，最高分嗰5位設計師就可以順利殺入決賽。
周汶錡、時裝設計師馬偉明（Walter Ma）、蘇永康都係初選評審。
作為初選評審嘅蘇永康、張曦雯、周汶錡、時裝設計師馬偉明（Walter Ma）同星級造型師郭慶彬（Ricky），就落足眼力以佢哋極具時尚觸角去評分；蘇永康笑指自己係一個消費者，主要係睇設計師創意，同埋考慮喺商業推廣上有冇困難，可以用消費者心態去睇賣唔賣到，而周汶錡就好著重環保。
林鈺洧
擔任星級模特兒有陳曉華、陳禎怡、何沛珈、張馳豪、林鈺洧、李爾晨、張鎬濂、王嘉慧、邢慧敏及陳懿德以最fit身形展出設計師嘅作品，佢哋覺得係好難得嘅體驗！
張馳豪王嘉慧