張馳豪兩首單曲成排行榜冠軍 難忘與家人赴北海道過白色聖誕

張馳豪（Aska）日前現身維園出席一個聖誕活動，吸引咗接近一百位粉絲一早排隊入場支持佢，Aska向現場觀眾分享以往同家人行大型戶外展銷嘉年華嘅寶貴回憶。

Aska向現場觀眾分享以往同家人行大型戶外展銷嘉年華嘅寶貴回憶。
Aska記得嗰陣年紀細，每個展位對佢嚟講都好新奇，睇到現場無論係大人定小朋友面上帶住滿足嘅笑容，拎住大袋細袋嘅戰利品離開會場，呢個畫面喺佢心目中留下非常深刻嘅印象。
一向好孝順嘅Aska，話如果喺現場挑選合適嘅產品送畀家人，佢就揀健康產品同煮食所用嘅乾貨，認為屋企人健康先有所保障；Aska獻唱新歌《宇宙逃生口》時，更走落台下同粉絲擊掌，感謝粉絲長久以嚟嘅支持。 

Aska獻唱新歌《宇宙逃生口》時，更走落台下同粉絲擊掌。
聖誕將至，Aska憶述細個曾同家人一齊喺北海道過聖誕，亦係佢第一次睇落雪，雖然天氣真係好凍，但睇到街上一片白茫茫，呢個首次遇上嘅白色聖誕，真係令佢好難忘。Aska話2024年好感恩，兩首單曲《Dirty Rhythm》同《宇宙逃生口》均成為排行榜冠軍歌，年底工作接連不斷，新歌亦製作中，希望喺2025年能帶畀大家更多精彩嘅作品。

Aska憶述細個曾同家人一齊喺北海道過聖誕，雖然天氣真係好凍，但睇到街上一片白茫茫，令佢好難忘。