古天樂暫別Cool爆一面同粉絲互動 佳節預留時間與家人食聖誕大餐

古天樂Louis呢日現身上海出席商場聖誕裝飾活動，吸引大批粉絲支持，而古仔更一改Cool爆性格，用道具紙槍向粉絲示範自己戲中一幕，同時暖心為在場觀眾送上聖誕祝福，希望世界和平，每人都有個喜興聖誕，冇壓力就最開心。一向係大忙人嘅古仔，啱啱拍完賀歲片，預留咗時間同家人共度佳節，古仔話自己每年聖誕節忙極都會抽時間同父母一齊食聖誕大餐。

古天樂呢日現身上海出席聖誕活動。
古仔近年醉心研究電影拍攝新科技，之前花左8年拍攝港產科幻片，嚟緊又會再次製作動畫片，佢話做幕後工作的確比做幕前辛苦得多，例如拍一套戲花上三個月至半年時間但做後期製作則要用上一至兩年，而明年古仔繼續有多部製作推出。
古天樂收起cool cool性格，同fans一齊玩遊戲。