熊貓捕獲野生謝霆鋒變小粉絲 12.28香港首場煙火無人機匯演

今年12月香港大熊貓「黑白熱潮」，將為聖誕歡樂氣氛升溫，由創意品牌帶嚟全港最大型熊貓展覽巡遊香港多個地標，熊貓導遊早前率領多位國際名人好友陪同一眾大熊貓雕塑，暢遊香港地標，熊貓導遊日前遇上謝霆鋒！

今次捕獲到野生霆鋒，熊貓導遊由放飛自我mode，切換至小粉絲mode。
今次捕獲到野生霆鋒，熊貓導遊由放飛自我mode，切換至小粉絲mode，坐定定影返張靚相，霆鋒都話：「好開心，識咗個新朋友。」

煙火無人機匯演喺12月28號晚上西九上演10分鐘盡見香港6隻熊貓。
嚟緊12月28號晚上8點15分將有香港首場煙火無人機匯演照亮維港，以熊貓為題，破天荒以無人機搭載煙火匯演，1,000架無人機喺10分鐘內交織出多款生動活潑嘅立體熊貓，展示極具香港特色圖案，亦會見到香港6隻大熊貓嘅身影。

煙火無人機匯演1,000架無人機在10分鐘內交織出具香港特色嘅圖案。無人機匯演歷時約10分鐘，合共有7幕，其中3 幕無人機結合咗煙火效果。