Rosanne急返港為老公慶生 結婚15年依舊恩愛如昔

前女子組合2R嘅 黃婉君Rosanne 早前撇甩老公同兩個寶貝仔，同兩個妹妹 黃婉伶Race 同 Rhonda 去咗日本白馬村滑雪相聚，不過由於29號就係Rosanne外籍牙醫老公Derek嘅生日兼佢哋嘅結婚周年紀念日，所以Rosanne未有喺當地多留，同家人慶祝完聖誕後，26號就急急腳返嚟香港，先同兩個寶貝仔一齊過boxing day拆聖誕禮物，之後再準備慶祝老公嘅42歲生日同佢哋嘅結婚15周年。

Rosanne、Rhonda 同 Race三姊妹去咗日本過白色聖誕。

過完聖誕，Rosanne 就急急腳返香港同老公慶祝生日。12月29日除咗喺Derek嘅生日外，仲係佢同Rosanne 嘅結婚紀念日。

Rosanne 今日（30號）喺社交平台post出多張同老公慶祝生日嘅照片，並喺帖文中超sweet咁以英文寫道：「在他生日那天，我嫁給了這個美麗的靈魂💘每年12月29日，我們都會慶祝他生日和我們的愛。給我的男人@drderekbaram，他心地非常善良，日復一日地為家人無私地工作，生日快樂，15 週年快樂，我的愛人！您的奉獻和愛比任何禮物都更加閃耀。祝你所有的夢想成真✨✨🥂我對你的愛無法估量💖✨🎂」
一家四口一齊慶祝。兩個囝囝送上香吻。Rosanne 嘅愛的宣言。
而繼續留喺白馬同一對仔女過白色聖誕嘅 Race，就上載多張同家人喺當地滑雪嘅相片，Race仲拍片中讚當地景色相當靚，兼祝大家聖誕同新年快樂。
Race就繼續留喺白馬同家人滑雪。
Race就繼續留喺白馬同家人滑雪。