Twins世界巡迴演唱會完美結束
Sa不捨落淚 阿嬌高呼要放假休息

Twins今年年頭展開世界巡迴演唱會忙足一整年，聖誕喺倫敦演出完滿結束，日前又飛去新加坡做咗兩場，新加坡站不單只係Twins出道至今嘅第100及101場演唱會，更係此次巡迴最終場，Twins喺舞台上跟歌迷暫別，見歌迷台下爆喊，佢哋都被感動得眼眨淚光，阿Sa（蔡卓妍）喺慶嗰陣同一班Dancer擁抱，又再不捨落淚，而阿嬌（鍾欣潼） 就感謝忠粉一路以嚟嘅應援同支持。

Twins今年年頭展開世界巡迴演唱會忙足一整年，聖誕喺倫敦演出完滿結束，日前又飛去新加坡做咗兩場。
阿Sa回想呢年嘅努力，佢哋走過世界各地，完成第一次倫敦開騷嘅夢想，令佢非常開心，由香港站開始，真係冇諗過走足一整年，每站滿載難以忘記嘅美好回憶，佢話應付時差係最難忘，喺美加巡迴不停去完東岸又去西岸， 連續21日，返香港一個禮拜又去倫敦， 喺倫敦過埋聖誕又直接去新加坡，阿Sa都讚自己體能算係咁。

新加坡站不單只係Twins出道至今嘅第100及101場演唱會，更係此次巡迴最終場。阿Sa回想呢年嘅努力，佢哋走過世界各地，完成第一次倫敦開騷嘅夢想，令佢非常開心。
阿Sa喺英國完騷後，留低喺當地放咗一個短假，佢與媽咪、容祖兒、吳君如及黃偉文（Wyman）等好友一齊歡度聖誕，亦係阿Sa首次同媽咪喺外國過聖誕 ，仲見番一啲移咗民去英國嘅舊同學，阿Sa覺得呢個聖誕假期好難忘好好玩。

阿Sa喺英國完騷後，留低喺當地放咗一個短假。祖兒同阿Sa仲抽時間去咗購物獎勵自己。阿Sa首次同媽咪喺外國過聖誕 。
阿Sa坦言走到最後一站有啲不捨：「每個演唱會都會有結束嘅時候，當然會唔捨得，喺個台上面見到有好多歌迷都喊，搞到我都忍唔住。 當你企喺個台上面，見到台下面嘅觀眾好投入咁跟住你唱歌，對住你好開心咁笑，好留心咁聽你講每一句說話，係真係好感動。」阿Sa又指喺慶功上，見到啲dancer一個二個喺度喊，又搞到佢忍唔住喊，一開咗個掣就好難停，成晚都平復唔到心情。

阿Sa坦言走到最後一站有啲不捨，喺個台上面見到有好多歌迷都喊，搞到佢都忍唔住。
阿Sa嚟緊回港就要集中火力做電影宣傳：「今年係超級無敵忙碌嘅一年，都真係有啲攰，我諗下年真係要放慢少少腳步，唔可以走太快。長命功夫長命做吖嘛！」 至於阿嬌表示巡足一整年非常難忘：「我哋每一次演唱會，都會當係最後一次，今次都唔例外，無人知日後幾時再開，我真係要好好放一個假，已經同公司申請，我要好好休息，養足精神。」

阿嬌已向公司申請放假，好好休息，養足精神。

阿嬌感謝歌迷喺巡演一路相伴，忠粉做咗好多應援：「有忠粉，Twins先行到咁遠，同埋第一次喺英國過聖誕，好有氣氛，我買咗好多聖誕裝飾返屋企裝飾自己嘅聖誕樹。」

阿嬌感謝歌迷喺巡演一路相伴，忠粉做咗好多應援。