詹天文923廣州展開大學生涯 學前弄貓為樂開始適應新生活

Windy詹天文 喺暑假過後隨即到升讀嘅廣州星海音樂學院準備，展開人生大學階段，日前Windy返港同Yumi鍾柔美仲有老師JW王灝兒合體現身《2024香港小姐競選》舞台，携手獻唱香港小姐主題曲《Pround To Be A Woman》，完成工作後Windy已火速返回廣州繼續準備開學喇。

Windy已於廣州準備開學，近日就先同貓貓開Party
Windy下星期一23號就正式開學，已經入住學校宿舍嘅佢，除咗喺社交平台展示到學校報到情況之外，近日亦記載咗一啲生活點滴，上載咗一輯被貓咪包圍嘅相同大家分享，見Windy好享受同小貓咪玩樂過程，仲餵佢哋食嘢。仲Share自己以一個汽水罐當捲髮器嘅有趣動態，神情搞笑。
入住宿舍嘅佢仲以汽水罐當捲髮器嚟用

Windy仲寫道：「宿舍生活體驗中，短短幾日時間已經認識到很多同學了，日後多多指教！很期待23號的正式開學。被貓貓包圍真的很幸福。」
又Share開學時間表

一班天文台(Windy粉絲)都好掛住Windy，稱呼佢貓貓公主同埋叫Windy加油，享受校園生活，為佢升讀大學打氣。而Windy日前初嚟報到上載學校照片後，更有粉絲講笑話佢有啲似韓星同台星入伍嘅情景。

日前又已參加學校安排嘅新生講座