容祖兒獨腳戲聲演動畫曾自我懷疑 盼望明年回港試啟德體育園開騷

容祖兒（Joey）早前每個周末忙於喺澳門開騷，呢日終於返港出席一個由佢聲演嘅動畫電影首映，黃建東、張名雅、陳樂榣、葉泓聲（Gordon）、《中聲2》唱將黃劍文、王玥等。

容祖兒為一部動畫電影配音，不過要毫無情緒就有少少困難喇
Joey坦言今次難度在於要獨腳戲聲演，往時係有拍檔一齊聲演，用無情緒嘅聲去演出，又要揣摩機械人嘅聲，有時係會自我懷疑，Joey就話本身好鍾意呢套動畫電影係講親情。
黃劍文、王玥都有捧場

Joey早前開騷遇上舞台機關意外，升降台提前下降，幸好Joey身手敏捷只係擦傷膝頭，對於呢次意外，一向樂觀嘅Joey冇責怪任何人，更自嘲平日訓練有素，化險為夷！
陳宛蔚呢日亦帶小朋友到場欣賞新片

Joey好盼望出年回港開騷，佢都想試吓喺啟德體育園舉行大型演唱會，Joey覺得自己以往喺紅館無論係規模及機關等已發揮到最大，嚟緊再開騷想有一個新突破畀大家睇，Joey認為尋覓一個新場地係一個新嘅可能。