超多圖｜陳喬恩姊弟戀修成正果 註冊兩年豪包定情酒店行婚禮

台灣女星陳喬恩兩年前同大馬富二代曾偉昌註冊成婚，婚禮今日正式舉行，據指場地定於馬來西亞浮羅交怡一間高級酒店，仲係5年前佢哋拍攝內地綜藝節目《女兒們的戀愛》結婚定情之地，充滿住甜蜜回憶。據指為保婚禮順利進行，主人家仲包起整間酒店，賓客仲要戴上特別設計嘅向日葵手環先可以進場。

陳喬恩以低胸性感婚紗出嫁

成婚前依然未停過，可以感受佢哋嘅開心氣氛

新人為賓客準備大批貼心禮物
內媒公開場地布置以全白色為主，當中融合以兩人英文名「Joe」同「Alan」設計而成嘅Logo，而一眾賓客同伴郎伴娘團早前已達當地準備，唔止公開豪華飯店內陳設，最重要嘅係送俾勞苦功高嘅兄弟姊妹禮物，又包含佢哋愛情故事嘅簡介。有報道指 明道 同 鄭元暢 將擔任兄弟團成員。

新娘子連續摩打手發佈多個婚照Post
明道將擔任兄弟團成員

一連串瘋狂放閃Post由噚晚一直延續到今日大婚之時，新娘 陳喬恩 以一襲性感低胸婚紗，由四位姊妹趙小僑、邱緯芬(饅頭)、賴薇如、屈尹潔(小潔)陪伴下正式出閣。雖然一對新人前年3月已經喺台北註冊，不過到呢日先正式舉行盛大婚禮成婚，有當地傳媒指派對將於黃昏起進行，大批親友嘉賓將見證一對新人嘅幸福時刻。

新人選擇於5年前拍攝節目相識嘅酒店正式步入婚姻殿堂

其實兩人前年已於台北註冊為夫婦

據拍現場保安嚴密，婚禮過後將舉行盛大派對