肥媽血壓高突入院做通波仔手術須休養 稱心口痛得好緊要又見暈

形象向來健康硬朗嘅肥媽（Maria Cordero）喺9月23號突然上傳一段喺醫院病床上拍攝嘅影片，標題寫住「身體有啲唔舒服，陣間都要做手術。所以嚟近呢兩星期的Live 都要暫停。」 片中肥媽戴住墨鏡、口罩，表示下午時分要做通波仔手術：「有一日心肌痛，痛得好緊要，然後出晒汗，暈啊。」

肥媽喺9月23號突然上傳一段喺醫院病床上拍攝嘅影片。

肥媽喺量完血壓後又發現血壓好高，氧氣好低，所以要入院。不過肥媽向大家派定心丸，叫大家唔好擔心，只係佢呢段時間需要休息，所以直播工作同社交平台更新都會停止一段時間。 肥媽呢段片一出，有好多網民留言叫佢保重身體，亦祝佢手術順利，可以健健康康再回歸。

肥媽指喺量完血壓後又發現血壓好高，氧氣好低，所以要入院。肥媽向大家派定心丸，叫大家唔好擔心，只係佢呢段時間需要休息。