明禎失場彭發接受道歉明言失贊助 陳星妤謝票前傷腳缺席大呼邪門

彭發 執導嘅新片早前舉行首映時，因女主角 林明禎 突然失場而鬧出風波，仲被網民戲稱為「大話禎」，事隔幾日之後明禎現身活動解釋事件，仲指導演已經諒解，又話會參與謝票。不過14號嘅謝票中，就只見彭發同有份演出嘅 陳苡臻 同 譚淇淇 ，明禎依舊唔見影。

林明禎因為首映失場而搞出大頭佛
而彭發就指已經同明禎聯絡過，亦承認因為呢次失場工作人員承受極大壓力，亦因而失去當晚贊助。導演又指事件已經過去，希望齊齊往前看，又指以後再有機會合作時希望大家都更加配合。
彭發呢日同兩位女演員陳苡臻同譚淇淇謝票，就直指首映贊助被取消

彭發認為明禎算比足誠意致歉，又已公開喺傳媒前認錯，所以就話事件應該過去喇。至於呢日謝票，兩位女演員就狀態十足，仲話會代未能出席嘅拍檔頂上宣傳責任，而呢日 陳星妤 因腳傷缺席更要動手術，導演彭發亦大呼邪門呀。

彭發又話已接受明禎道歉