任達華龔慈恩謝票變父母大戰 朱鑑然與Stephy擁抱戲講起都口震

任達華 龔慈恩 朱鑑然 同導演 鄒穎 一齊為新片謝票，今次華哥同龔姐扮演一對糖水店老闆夫婦，而同樣有一位靚囡囡嘅佢哋，就指喺教育方面各有睇法，龔姐爆華哥縱囡囡，點知華哥又話返佢係虎媽，非常搞笑。

華哥同龔姐因為育兒睇法你一言我一語，非常搞笑
華哥月前獲倫敦東亞電影節頒發嘅終身成就獎，太太同囡囡亦一同到當地見證，仲襯絕型爆登場。而乖女仲叫華哥可以調整自己心態，當自己係新人咁看待所有事物，更易融入新一代亦冇打算退休呀。
華哥早前到倫敦領獎，太太同囡囡都飛往當地見證

朱仔喺片中就扮演兩位前輩嘅囝囝，仲會同Stephy有感情線，朱仔就話唔止未諗過有機會同經驗豐富嘅Stephy合作，感情戲更係令自己非常緊張，而擁抱場面更係講起都仲口窒窒，超級惹笑。

朱仔提到要同Stephy拍攬攬戲都口窒窒