林明禎護照見鬼後首現身 親自回應被封為「大話禎」

大馬女神林明禎日前以搵唔到護照滯留喺台灣為由，臨時缺席主演嘅新戲首映，更因此激嬲導演彭發；不過首映後，明禎又離奇現身戲院外與粉絲合照，短短幾個鐘護照失而復得，仲瞬間由台灣轉移去到尖沙咀，故被網民調侃佢做「大話禎」。

林明禎呢日喺中環出席快閃活動。
明禎喺事件後首度現身，呢日佢喺中環出席快閃活動時為事件解話，佢表示由唔見護照到搵返本護照，都有第一時間通知主辦方，而主辦方當時表示開心，希望佢趕上謝票。明禎話當晚有抵達戲院，但可能流程問題無安排到謝票，所以佢先回家，但離開時見到有粉絲在場外，所以就影相而引起誤會。

明禎親自回應甩底首映一事。
彭發當日形容明禎甩底係護照見鬼，明顯感到好不滿，而明禎就話事後得到導演諒解，當時導演接到佢電話仲笑笑口話無事無事，不過講到電影未上畫就可能因事件而賠錢，明禎就話唔清楚呢部份。佢強調自己點會唔想出席作品首映，今次事件係自己嘅失誤，佢亦回應被網民封上「大話禎」稱號睇法。
明禎指事後已得到導演嘅諒解。