曾寶儀首次與拍拖19年男友合作 林明謙直認過程中有分歧爭拗

曾寶儀同導演男友林明謙現身台北出席紀錄片首映禮，呢次係寶儀同林明謙拍拖19年嚟首次合作。紀錄片歴時5年多製作，紀錄多組癌症病人故事，催涙程度滿分。

曾寶儀同拍拖近廿年嘅男友林明謙首次合作紀錄片紀錄患癌病人同家人嘅生活
寶儀嘅堂弟婦亦係片中其中一個個案主角，佢話每個故事都印象深刻，當然自己家人嘅故事就感覺最深，拍攝時都覺得自己唔係採訪者，而係當事人身份，寶儀希望呢部充滿真誠嘅紀錄片可以去到更多地方讓人欣賞。

當中寶儀嘅堂弟婦亦係個案之一

由情侶變工作拍檔，爭拗係在所難免，問到兩人有爭拗時會點處理？寶儀指會聽導演話，點知身邊嘅林明謙就反咗白眼，此舉令到全場大笑。林明謙直認一定有分歧同爭拗，因為拍紀錄片唔似劇情片，可以一早寫好內容，好多時都要長時間等，而呢部份好明白會令寶儀好攰。

呢對情侶檔宣傳新作時似乎略帶尷尬

喺呢次合作之前，林明謙坦言無諗過同女友合作，但係佢覺得癌症就係一個要讓人改變嘅訊號，若果佢唔能夠改變，又點能夠當呢套紀錄片嘅導演，所以就答應咗今次合作嘅要求。