麥美恩遊新西蘭變身釣魚達人 Jarvis落力食即整刺身兼體驗漁船捉龍蝦

麥美恩（Mayanne）與周奕瑋（Jarvis）呢排喺新西蘭公幹，二人寓工作於娛樂，喺當地玩餐飽，佢哋噚日喺社交平台上載喺凱庫拉出海釣魚嘅影片，麥美恩化身釣魚達人，漁獲豐收，而Jarvis就喺後面好落力食即整刺身，仲體驗到漁船捉龍蝦。

麥美恩噚日喺社交平台上載喺凱庫拉出海釣魚嘅影片。
麥美恩呢日非常幸運，以一人之力展現釣魚技巧，佢笑指釣到手都軟：「Best day ever，冇丟我老竇架，真係識釣魚，釣到手都軟，麥家釣魚不是浪得虛明！威威，叻叻，終極目標又達成，開心仔！」

Jarvis指麥美恩不斷釣到魚，係玩得最開心嗰個。
影片見旁邊外籍男睇到麥美恩不斷釣到魚，忍唔住表示稱讚，麥美恩全程亦有漁船上嘅小員工Lucas 幫手，當Lucas幫忙收線將魚拉近， 麥美恩都小心扶住對方，以免Lucas跌咗落海，Jarvis寫道：「最後， 麥小姐係玩得最開心嗰個。 佢哋好落力釣紅玫瑰， 我喺後面好落力食即整刺身。 不過最勁嘅都係體驗到漁船捉龍蝦，最後條片係200%表現默契之作 and 我覺得Lucas 同我影相開心啲。」新西蘭凱庫拉位於自然海岸環境，富含豐富多樣嘅海洋生物，釣上嚟嘅魚都係深海魚。

麥美恩化身釣魚達人，漁獲豐收！

Jarvis稱佢哋好落力釣紅玫瑰， 我喺後面好落力食即整刺身。Jarvis當然唔係齋睇麥美恩solo，佢都有試吓釣魚嘅。二人老友鬼鬼，麥美恩亦有餵Jarvis食剌身。Jarvis體驗到漁船捉龍蝦。二人老友鬼鬼，玩得好盡興。