邊個整跌？ 佘詩曼湯盈盈「七魔女」賀姚樂怡生日 發生意外蛋糕跌咗落地

佘詩曼、周家蔚、湯盈盈、梁靖琪、文頌嫻、姚樂怡、鍾麗淇組成「七魔女」，多年嚟感情要好，不時抽空聚會，雖然各有各忙，不過呢日佢哋為9月23號生日嘅姚樂怡慶祝，約埋食生日飯，但係就未見鍾麗淇。文頌嫻今日喺IG上載影片，點知姚樂怡個生日蛋糕影完合照後，就跌咗落枱底！

「七魔女」為9月23號生日嘅姚樂怡慶祝。
一班好閨密同姚樂怡食生日飯，為壽星女姚樂怡慶祝51歲生日，文頌嫻拍片直擊意外事件發生，並寫道：「Happy Birthday to Sherming，生日派對的混亂現場，生日小插曲，目擊意外事件發生，姊妹臨危不亂，享受當下，繼續保持歡笑，發放正能量，「怡反」手持「飯聚」證據。」

姚樂怡個生日蛋糕影完合照後，就跌咗落枱底！
片中見姚樂怡大叫「畀番個蛋糕我」，之後就見佢個生日蛋糕跌咗喺地下，仲見湯盈盈拎隻叉撩咗少少蛋糕嚟食：「仲食得㗎！」畫面見姚樂怡塊面有少少cream，未知係被整蠱嗰陣搞到蛋糕跌咗，定係壽星女唔小心跣手呢！？

湯盈盈拎隻叉撩咗少少蛋糕嚟食。

姚樂怡指今年生日喺腸胃炎中渡過，本身胃氣頂住個肚，就喺切蛋糕嘅一剎那感覺胃氣出晒嚟，仲有呢班姊妹太多歡樂，佢笑言未食嗰個蛋糕！