華夏文明展Chilam聲音導航 忙搬新居爆有計劃紅館開騷

張智霖 呢日為故宮博物館一個展覽開幕禮擔任嘉賓，Chilam更為呢個中華文化起源有關嘅展覽配音，大家參觀時就會聽到佢嘅靚聲導航喇。可能有人認為配音好簡單，不過Chilam就話呢項工作一啲都唔易，唔止字正腔圓係基本，仲有大量艱澀嘅生辟辭彙完全，所以要打醒一萬分精神參與呀。

張智霖應邀為一個中華文化展覽配音
早前佢喺內地拍攝古裝劇，雖然大熱天時，不過太太 袁詠儀 親自探班個心就甜返哂喇，佢仲話最近忙搬屋，唔少濕碎事搞到頭都暈，不過就講明唔敢干涉老婆同囝囝嘅執拾清理，仲搬埋男人名句「Happy Wife, Happy Life」出嚟，認真識做呀。
佢仲提到一確定表演內容，就好快可以再登紅館開騷

早前有Fans喺網上指Chilam已經整整10年未有再喺紅館開騷，呢日佢就指已經有相關計劃，仲連合約都準備好，但係就希望好好計劃決定好表演方向先實行喇。