梁詠琪11月開Side Track騷隨時提歌迷合唱 囡囡遺傳愛唱歌未敢同台公開合唱

11月就會喺香港舉行Side Track演唱會嘅 梁詠琪 ，今次會特別挑選過往甚少演出嘅粵語曲目演出，不過佢就話因為較少演唱，所以連自己都有啲陌生，但係要重現當年嘅少女感，Gigi就笑言連自己都毛管楝喇。

梁詠琪11月就會展開Side Track演唱會
唔少歌曲猶如重返當年，Gigi就話會以全新感覺演繹當年入世未深難以駕馭嘅曲風，相信大家一定會耳目一新呀。佢仲特別揀一個可以同歌迷近距離交流嘅場地演出，仲隨時會即興演出。早前台北場曾向大家送出親手造陶瓷擺件嘅佢，仲話正頭痛今次送咩比大家好呀。
佢又提到演出隨時會拉歌迷上台

近年寶貝女同老公都曾經現身舞台，至於今次Sofia會唔會現身，佢就話乖女唔太敢台上獻唱，但係就至愛媽咪嘅輕快歌曲，仲爆囡囡會喺屋企要父母欣賞自己嘅歌聲呀。