解風福岡丨杜如風拍攝同時血拼購物 笑言世上只有媽咪能制止她

杜如風 主持嘅「解風系列」繼東京同大阪之後，新一輯佢將會帶大家遊福岡。Helen作客《星光路上》分享今次拍攝過程有苦有甜，佢話今次喺福岡留咗24日，前後足足拍攝17集，佢以人都癲嚟形容，因為每日都拍攝16小時，到訪4至5間店舖，不過行程中品嚐不少好嘢，當中有佢最愛嘅海膽，同埋只有當地先有嘅美食明太子牛腸窩。

杜如風新一輯節目會同大家玩盡福崗
Helen去到日本，就好似同錢有仇咁瘋狂血拼，呢次福岡行當然唔會例外，佢話今次打破紀錄買咗一個勁平嘅中古手袋。一如以往，Helen話媽咪一見到佢堆戰利品就不停鬧，佢仲話如果媽咪想制止佢購物，除非係同行即場出手阻撓，佢話呢個世上只有媽咪可以令佢停手唔買嘢。

雖然購得極抵中古手袋，不過佢就話返港後依然被媽咪勁鬧
除咗購物同嘆美食，呢集福岡之行仲加入新元素，帶大家去到福岡郊區參觀著名景點，所以會多咗好多靚景畀大家睇。

呢一輯節目仲會為大家介紹唔同景點