破·地獄丨黃子華因疫情拖垮生活無奈轉行眼濕濕 許冠文演喃嘸師傅學拉二胡唱南音

由兩代笑匠許冠文（Michael）、黃子華主演嘅新戲《破·地獄》將喺11月上映，近日電影公司陸續釋出拍攝花絮。其中一場子華向Michael剖白初衷嘅對手戲，引嚟後輩衛詩雅專程觀摩！

黃子華向許冠文剖白初衷嘅對手戲。
戲中作為傳統喃嘸老師嘅Michael，對於初入行、做禮儀師嘅子華離經背道嘅做法非常不滿，而子華希望向Michael示好，剖白因疫情拖垮生活，無奈入行嘅因由，投入角色嘅子華更一度眼濕濕，拍完呢場戲後更一度要行埋一邊抹眼淚。不過子華亦好快整理好情緒，一秒即轉變狀態，同Michael演出一曲抿恩仇嘅場面。 

子華希望向Michael示好，剖白因疫情拖垮生活，無奈入行嘅因由，投入角色嘅子華更一度眼濕濕。

32年前子華為Michael做編劇，二人朝夕相對幾個月，子華亦了解Michael呢位前輩嘅思維方式同速度。呢次相隔32年再合作，子華都大讚Michael呢位戲劇鼻祖魅力不減，完全同當年一樣。 為演好喃嘸師傅呢個角色，Michael事前專程凡學習拉二胡同唱南音呢個角色。Michael就話自己由細到大聽呢啲嘢都唔覺咁勁，而忽然有師父教，學下學下都感受到傳統南音嘅味道。

子華曾為Michael做編劇，二人朝夕相對幾個月，子華亦了解Michael呢位前輩嘅思維方式同速度。為演好喃嘸師傅呢個角色，Michael事前專程凡學習拉二胡同唱南音。Michael認真學習，對自己演出要求好高。