黃子華舞台劇演出後場外會粉絲 向誤買假票未能入場觀眾送抱安慰超暖心

由黃子華、劉嘉玲等主演嘅58場舞台劇《香港式離婚》，直至20號晚成功演出七場，唔少粉絲完場後喺場館門外等候子華神現身，而子華神好親民，走近粉絲同佢哋傾偈，聽到有粉絲專程從北京來捧場，子華神即時切換用普通話同對方講多謝。

子華神完騷後好親民，走近粉絲同佢哋傾偈。
其中一位男粉絲自爆苦況買到假飛未能入場，子華神即暖心送上擁抱安慰，仲大罵賣假飛騙徒卑鄙，男粉絲之後話會再接再厲撲飛，子華心疼表示：「唔好啦唔好中計啦！唔好畀機會佢哋(不法之徒)，多謝大家。」

其中一位男粉絲自爆苦況買到假飛未能入場，子華神即暖心送上擁抱安慰，仲大罵賣假飛騙徒卑鄙。
《香港式離婚》係五度重演嘅香港原創經典劇目，借婚姻關係剖開人性裡面複雜面，本身劇力經已火花十足，呢次由子華同嘉玲呢對神仙組合演出，編劇黃詠詩更特別為兩人重寫劇本，子華曾喺謝幕時形容有啲似「大戲」feel，而之前版本嘅明浩（梁祖堯）、Maria（邵美君）同Emily（黃詠詩）有嚟捧場。作為多代Emily嘅楊淇喺自己嘅社交平台貼相表示好有緣份。
《香港式離婚》係五度重演嘅香港原創經典劇目，借婚姻關係剖開人性裡面複雜面。