劉嘉玲59歲生日與偉仔切菠蘿油慶祝 埋首綵排舞台劇品牌爭送禮賀壽

劉嘉玲 好快就即將同 黃子華 合作演出舞台劇《香港式離婚》，喺密集綵排又陪住偉仔接受兩個榮譽博士學位之下，12月8號生日嘅嘉玲終於有少少時間慶祝，正式踏入59歲嘅佢Post出同老公偉仔嘅甜蜜合照，枱上擺住一個菠蘿油蛋糕，旁邊嘅單據仲寫住「Good Show for December, January, February」，嘉玲亦留言指「簡單 快樂」。

嘉玲同偉仔切菠蘿油蛋糕慶祝生日

日前夫妻先齊齊現身，慶賀偉仔再獲頒授榮譽博士學位
而一眾舞台劇嘅台前幕後同拍檔黃子華，早前亦為嘉玲慶祝，大家送上鮮花、蛋糕同有兩隻愛犬嘅畫作，非常熱鬧。一向身為各大名牌至愛嘅嘉玲姐，生日亦可謂受盡寵愛，各大時尚名牌都紛紛送上鮮花禮物祝賀，充滿晒嘉玲嘅社交平台限時動態，認真厲害。

嘉玲同子華等合演嘅舞台劇上下，亦為佢慶祝生日

仲有幾日劇目就正式公演，唔少人都非常期待嘉玲同子華演出