何依婷為麥明詩提早慶生 鄭衍峰被封最旺人丁婚禮MC

鄭衍峰去年12月同今年3月分別為 何依婷 同 麥明詩 擔任婚禮司儀，兩位亦相繼喺上月同今個月宣佈懷孕。今日（8號）鄭衍峰就post出同兩位準媽媽嘅合照，仲笑言經佢手做婚禮MC嘅新人都好快有喜，所以歡迎藝人朋友預約佢做婚禮MC，又指自己一次過集齊兩個最正嘅港姐媽媽👸🏻，難怪有網民睇完就留言讚鄭衍峰：「證明你旺丁又旺」。

鄭衍峰先後為何依婷、麥美詩擔任婚禮司儀。鄭衍峰被封最旺人丁婚禮MC。

兩位準媽媽之所以會聚埋一齊，係因為要幫11號生日嘅麥明詩提早慶祝生日。雖然已經懷孕5個多月，而且天氣又漸凍，不過麥明詩仍無有怕，着住黃色露臂連身裙配高踭鞋，同到場嘅賓客影相。而喺切蛋糕許願時，麥明詩老公盛勁為就陪伴在旁，令壽星女笑得相當甜呀！
呢日其實係提早為麥美詩慶祝生日。兩位準媽媽。麥美詩 鄭衍峰