海兒28歲生日愛貓伴慶祝 港產女高音牛一打野戰

港產女高音 海兒 因為參與《中年好聲音3》擔任海選評審而令唔少觀眾都眼前一亮，身為倫敦皇家音樂學院碩士嘅佢近來曝光越來越多，不時都更新社交平台嘅佢，原來係12月8號生日嘅人馬座女生，壽星女就公開短片簡單慶祝嘅過程喇。

海兒早前參與《中聲3》評審工作而受到大眾注視
雖然早喺13歲已經考獲8級鋼琴同聲樂資格，長大後又自演藝學院以榮譽學士成績畢業，不過海兒受訪時就曾指自己係宅女一名，平時仲至愛打機睇動漫，更曾指自己偏愛宅男作對象。
音樂背景強勁嘅佢自細已經接受訓練

踏入28歲嘅海兒，除咗喺屋企同貓主子切蛋糕慶祝之外，原來仲相約咗一班朋友打War Game慶祝，一動一靜同平時嘅佢形象有極大反差。

踏入28歲嘅佢喺屋企簡單慶祝