龔嘉欣自揭身體狀況出問題入院 35歲生日望早日找出病因

龔嘉欣Katy 12月5號踏入35歲生日，生日正日喺工作中度過，開拍新節目《在家宴客50度菜》時獲節目組送上生日驚喜，特別搵主播 許文軒 做驚喜大使送上蛋糕，全廠一齊唱生日歌為嘉欣慶祝生日。

節目組同 嘉欣慶祝生日。
嘉欣踏入正日生日之際，於自己嘅社交平台分享生日願望，自爆喺今年農曆新年前發現身體有毛病，一直做緊好多身體檢查，仲未回復最佳狀態。嘉欣坦言幸好獲得多位醫生及教授幫忙，可惜至今仍未找出病因，身體Keep住不適，幸好精神未受太大影響，希望早日搵到問題所在。
許返個願先啦！
嘉欣自揭年初時曾入院，但冇刻意提起此事，之後繼續開工拍攝劇集《香港探秘地圖》，所以今年生日願望希望身體健康，順便報平安叫大家唔使擔心。