薛家燕預告嫲孫檔拍廣告 鍾柔美18歲生日想考車牌

薛家燕、鍾柔美呢日現身一個國慶慶祝活動，除咗有Yumi首唱新歌《Masterpiece》之外，家燕姐更聯同Yumi以及75位小朋友一齊合唱《皆大歡喜》，現場氣氛喜慶熱鬧。
薛家燕 同 鍾柔美 喺活動上又唱又跳。

薛家燕
大家都知家燕姐一向緊貼潮流熱度，經常會改編大熱歌曲演唱，家燕姐話呢日本來都想演繹洗腦舞曲《APT.》，但因為唔太適合呢日活動嘅主題，所以佢話等遲啲再表演比大家睇。嚟緊嘅聖誕節，家燕姐就因為要出埠工作而喺機上度過，雖然孫仔冇辦法一齊飛，不過佢就預告兩嫲孫好快就會一齊拍廣告。
家燕嚟緊將會同孫仔一齊拍廣告。
12月21號就係Yumi嘅18歲生日，佢透露屋企人會隆重其事為佢搞成人禮慶祝。問到佢成年後有乜最想做？Yumi就話最想考車牌，仲表示自己16歲時，已經好想揸車周圍去，所以一夠年齡就希望去達成呢個心願。
今個月 21 號就係Yumi嘅 18歲生日。