Tyson Yoshi做空中飛人學籌備婚禮 為賓客人數與未婚妻有拗橇

Tyson Yoshi日前完成澳洲演唱會後火速返港出席一個聖誕裝置活動，不過出席活動後，Tyson Yoshi又要飛返澳洲出席朋友婚禮。雖然係忙到冇時停，但Tyson Yoshi都好識為自己做到Work-Life balance，所以嚟近聖誕節都冇接任何工作。

Tyson Yoshi日前完成澳洲演唱會後火速返港出席一個聖誕裝置活動。
下年七月就係Tyson Yoshi同未婚妻舉行婚禮嘅大日子，呢次去澳洲出席婚禮都係為咗偷師，同埋Mark好有咩情況容易造成新人喺大日子發生爭吵，令自己可以儘量避免。 不過新人喺籌備婚禮期間，唔多唔少都會有意見相反時刻，Tyson Yoshi同未婚妻都唔例外。就好似Tyson Yoshi覺得婚禮邀請嘅人係越少越好，但未婚妻就認為想請多啲人。

下年七月就係Tyson Yoshi同未婚妻舉行婚禮嘅大日子，呢次去澳洲出席婚禮都係為咗偷師。
講到目前會邀請嘅人數數量，Tyson Yoshi就話計計吓都有100人。講到婚禮點解會喺7月舉行，Tyson Yoshi話因為可以將生日、紀念日一齊過，每一年只要慶祝完七月就得！

Tyson Yoshi話因為可以將生日、紀念日一齊過，每一年只要慶祝完七月就得。