百對老友記再辦婚禮袁偉豪影低最美一刻 心姐裙褂參與林思彤忙排演唱會

袁偉豪 同 謝雪心 林思彤 仲有 吳大強 呢日一齊參與一個婚禮活動，現場見證100對新人一齊行禮，阿Ben Joe Junior 仲有Bill哥哥為大家獻唱送上祝福，唱歌之餘阿Ben仲為大家留影，記住最美一刻。

阿Ben呢日唱歌之餘亦同時係攝影師，為老友記影低人生重要時刻
覺得活動非常有意義嘅佢話，現場嘅老友記當年可能無法拍攝婚紗照，所以呢日應該要好好把握機會，同一眾義工合作為大家拍攝紀錄溫馨時刻。再次參與活動嘅心姐，繼上次以婚紗現身之後，呢日就以傳統裙褂一樣嘅戲服出現，非常華麗。
心姐就以一身類似裙褂嘅戲服參與活動

林思彤 雖然同幾位MISSY成員忙住準備下月舉行嘅音樂會，不過呢日都參與為大家送上祝賀，佢又話演唱會早已開始排樂，到時會以非常唔同嘅面貌同大家見面呀。

林思彤同MISSY嘅成員已投入下月嘅演唱會綵排