謝寧曲奇生意版圖擴充海外 兩愛女願做白老鼠陪打仗

謝寧親自打理多年嘅曲奇餅店生意版圖越做越大，呢日佢又有新舖喺香港開張，雖然工作量大增，但謝寧就覺得好有滿足感，未來已經有全盤生意大計開，準備進軍海外同內地市場，幸好已經有得力團隊幫助，令謝寧好放心。

謝寧親自打理多年嘅曲奇餅店生意版圖越做越大。
經營生意絕對唔容易，成為曲奇王后嘅謝寧話好彩有家人嘅無限支持，尤其兩個女兒絕對係得力助手，同時俾好多意見佢，喺生意路上有佢哋陪伴好緊要，亦成為母女之間動話題，從而增進感情，最重要係女兒成為咗謝寧嘅白老鼠，一有新品上巿就會由兩女兒去試食，因為佢哋嘅年齡層正係巿場嘅口味。

呢日又有新舖喺香港開張，雖然工作量大增，但謝寧就覺得好有滿足感。
下個月就係謝寜62歲生日，雖然工作繁忙，但謝寧話一定會抽時間同朋友們開心慶祝，盡情享受。生日願望除咗生意興隆仲有身體健康。