天王嫂方媛睇豪宅有計劃在港置業 親談兩女兒性格好動與文靜

人稱「天王嫂」嘅郭富城太太方媛（Moka）育有一對女兒，平日方媛好鍾意喺網上放閃及展示生活日常，過住富貴生活令唔少女性羨慕。近日方媛喺工作上升呢，獲啟德新樓盤邀請參觀五星級住客會所，體驗奢華顯赫藝術，望見呢個臨海豪宅令方媛心心眼表示好喜歡，拍攝當日方媛特別以華麗裝扮現身展貴氣。

方媛喺工作上升呢，獲啟德新樓盤邀請參觀五星級住客會所，體驗奢華顯赫藝術。
另一方面，相信大家都好好奇天王嫂嘅身家，到底佢喺香港有冇物業揸手？方媛自揭同家人喺內地有自己物業，但主力由爸爸去打理，自己亦考慮喺香港置業，因此有空閒都會參觀優質樓盤。至於會否叫老公買層樓畀自己，方媛笑稱係私人問題：「如果我想在香港置業，我丈夫一定支持我。」方媛亦不忘形容自己嘅dream house一定要有海景同充足配套，主要希望小朋友同大人都有舒適環境。講到有冇考慮買入參觀嘅樓盤單位作投資？Moka話會聽吓屋企人意見先。

至於會否叫老公買層樓畀自己，方媛笑稱係私人問題。
暑假過後方媛嘅一對女兒正式返學，已經適應校園生活，令佢多咗時間做喜愛嘅工作，佢亦大方談及大寶Chantelle及二寶Charlotte嘅性格同興趣，表示兩女兒均有活潑好動一面，但姐姐比較好動啲，二寶就似自己比較文靜，兩女兒共通點係興趣頗多，除咗唱歌跳舞外，仲喜歡畫畫同游泳。

方媛大方談及大寶Chantelle及二寶Charlotte嘅性格同興趣。