劉德華莫文蔚攜手救危城 香港陷幅射災難「團結」解決問題

由劉德華主演兼監製，由兩屆金像獎最佳攝影潘耀明執導，集結白宇、莫文蔚主演，謝君豪、王菀之、王丹妮、廖子妤、魏浚笙、梁仲恆等內地、香港演員演出嘅電影《焚城》即將喺11月1號上映。電影以「香港史上首部以輻射災難為題材電影」作賣點，近日亦陸續釋出製作花絮同主創團隊訪問。 

電影以「香港史上首部以輻射災難為題材電影」作賣點。

電影故事講述粉嶺一個回收場發生輻射洩漏，現場驗出致命高強度放射物「銫137」，受影響嘅市民出現皮膚潰爛症狀、器官衰竭，甚至死亡，香港隨時變成下一個戈亞尼亞。飾演環保專家嘅華仔、身為高官的莫文蔚、白宇、謝君豪、王菀之、林保怡以及飾演消防員嘅王丹妮、廖子妤、梁仲恆等人需要團結阻止吞噬香港嘅災難發生。 

電影故事講述粉嶺一個回收場發生輻射洩漏，現場驗出致命高強度放射物「銫137」。

華仔形容呢次電影並非「雙雄」故事，更大讚另一位監製江志強喺多年嚟為港產片帶嚟好多不同面貌。而呢次劇本係要以「團結」解決問題，係可以令成件事嘅所有傷害同發生率比較降低。 至於莫文蔚就話電影所發生嘅災難係「一日內」發生嘅事，成個故事既有戲劇性亦非常有張力，好容易會跌落成件事入面。同樣係擁有決策身分嘅王菀之就形容，電影故事令佢感受好大，要處理嘅關係亦好多，喺事件推進發生時亦見面好多人性不同面貌同價值觀，以及真善美。

擁有決策身分嘅王菀之就形容，電影故事令佢感受好大，要處理嘅關係亦好多。

初次飾演消防員嘅謝君豪就話，挑戰性非常大，而且角色以團隊為榮，要做到上下一心，團結解決問題。 導演潘耀明透露電影以真實事件作以啟發，當時老闆向佢分享一篇香港報道，指原來有一啲地方嘅電子垃圾係冇被用一個正規方式去處理，就被轉到其他國家暴利。而「銫137」係主要用於治療、醫療檢查嘅儀器，本身呢種物質亦帶有幅射嘅有毒物質或化學物質。而將落後儀器同電子垃圾堆放一齊，亦延伸成為故事嘅開始。