港女野人奇異記丨四位女神難忘冰川之旅分秒必爭 胡美貽指姊妹默契爆燈

由何泳芍、陳若思、廖慧儀及胡美貽主持嘅《港女野人奇異記》話咁快就播完，喺節目播出最尾一集，佢哋搞咗一個慶祝party，一齊食吓嘢傾吓偈，四位女神最難忘係冰川之旅，佢哋每日都擔心能否完成整個旅程，需要好高嘅體能同勇氣。

四位主持節目最後一集同工作人員開Party
何泳芍指掂到冰川後，覺得落山嗰段路係最辛苦，落咗山後就全部人攤低咗，大家攤咗喺度十分鐘郁唔到，因為佢哋拍攝嗰陣約咗旅遊巴落山，行程分秒必爭，上山落山速度超快，四位女神沿途都冇咩時間影相。
Honey指拍攝冰川時，一行人攰到爆

廖慧儀爆Honey需要極多Me Time

經過成個Trip嘅相處，四位女神對彼此加深了解，胡美貽就話姊妹們默契爆燈，喺工作上互補不足，而廖慧儀笑指何泳芍要好多Me Time，皆因何泳芍好早瞓覺同好早沖涼，好快要休息。

胡美貽指此行後令大家更有默契

陳若思話今次拍攝深有得著