麥潔文愛女獻唱為參賽者打氣 賴彥妤拍外景發福返港努力減肥

麥潔文與女兒陳薔天（Tinque.C）聯同陳國豐、楊玉敏及賴彥妤（Vivienna）呢日出席一個歌唱比賽活動，麥潔文擔任呢次歌唱比賽評判，阿女就獻唱為參賽者打氣。

麥潔文、陳薔天母女為一個歌唱比賽擔任評判同嘉賓
阿女陳薔天平日好樂意向媽咪取經，指媽咪喺唱歌方面好成熟，一定要向媽咪虛心學習，陳薔天未成為歌手前，已經開始填詞，習慣坐巴士尋找創作靈感，而媽咪麥潔文都讚阿女好有天份。
Vivienna則為比賽擔任司儀

同場嘅Vivienna呢日做歌唱比賽司儀，早前喺佛山拍外景，完成新劇《巨塔之后》，佢不時品嚐當地美食大飽口福，發福返港足足肥咗2kg，Vivienna返嚟即進行減肥大計。