高鈞賢Room Tour片洩密 疑將秘密榮升做爸爸

高鈞賢不時會喺社交平台拍片分享自己嘅生活日常，最近佢就拍片分享自己最近新搬入嘅深圳豪宅，本來只係一條簡簡單單嘅Room Tour，但有眼利嘅網民就發現，喺高鈞賢介紹佢嘅主人房時，就見到窗台位置有個孕婦枕頭，而旁邊嘅架上亦有一個女士手袋，因而引起大家討論，估高鈞賢係咪就嚟秘密地做爸爸呀！

高鈞賢拍Room Tour介紹自己嘅新居。

深圳新居有四房。

高鈞賢逐間房為大家介紹。
高鈞賢喺深圳嘅新居共有四房三廁，外加一個大陽台，喺Room Tour片中高鈞賢逐間房為大家介紹，除咗主人房外，佢亦準備咗一間房畀間中會過嚟住嘅父母，房中除咗準備咗啲休閑服外，高鈞賢仲為父母準備好唔同嘅保健藥品。
當介紹到主人房時，有網民眼利發現有孕婦枕。
由於有網民發現高鈞賢嘅主人房出現咗孕婦枕頭，所以大家就猜測老爺奶奶係上嚟幫手照顧大肚嘅新抱仔，免得經常要香港、內地兩邊走嘅高鈞賢擔心。

當介紹到主人房時，有網民眼利發現有孕婦枕。網上搵到同款孕婦枕。新居有唔少保健產品。貓咪好可愛。
今年高鈞賢嘅40歲生日，同時亦趁住520嘅日子，佢就喺社交平台上載咗一張同圈外女友喺海灘睇日落嘅背影照，而早前出席活動時，高鈞賢亦透露過自己希望喺呢兩年內可以做爸爸，又指已經認定圈外女友，可以隨時閃婚，以上種種加起嚟，更令高鈞賢就嚟做爸爸嘅猜測更添可信性。
新居有個大露台。
高鈞賢喺520時post出同圈外女友嘅背影照。