許冠文黃子華合作新片萬眾矚目 神級對談由當年傾到生死

香港兩大笑匠 許冠文 同 黃子華 合演嘅新片《破．地獄》下月中就會正式公映，電影未上畫已入圍夏威夷國際電影節，亦成為香港亞洲電影節嘅開幕電影。片中扮演兩輩殯儀從業員嘅佢哋，繼32年前合作《神算》之後再度合作，電影公司近日更公開兩位男主角對彼此嘅睇法。

黃子華同許冠文合演嘅新片下月上映
Michael同子華當年以演員同編劇身份合作，後來子華開展楝篤笑事業，慢慢發展成為子華神，近年亦撇甩票房毒藥稱號，成為破億電影男主角，難怪Michael都話對佢嘅發展非常尊敬喇。而子華就認為Michael呢位冷面笑匠，早年影視業發展年代已係「少年得志」，不過Michael就指當年有名但無利喎。
許冠文於新片同子華都身為殯儀從業員

雖然兩位一現身就會令觀眾笑聲四起，幽默感同洞察力都滿分，不過子華就明言私下兩人都屬於悶蛋，仲指佢哋都係要求極高嘅人，仲認為有責任為香港同電影業做返啲嘢，又提到新片故事非常動人，子華更指今次破天荒於於殯儀館實境拍攝，現場「幾舒服」，神級嘅人睇事物真係同凡夫俗子有非常大分別。

兩代笑匠合作極受外界矚目