國家泳將月初唱《孤勇者》出晒事 Eason邀睇騷詳解走音緣由

國家隊奧運代表隊月初先後訪問港澳，其中游泳代表潘展樂、張雨霏、覃海洋、徐嘉余、王長浩、孫佳俊喺澳門出席聯歡晚會時，就應邀上台合唱，但係當演出 陳奕迅 嘅《孤勇者》時，就被笑指係「六人上台、六種唱腔」，Eason事後亦有留意瘋傳影片，仲邀請幾位欣賞演唱會，仲話會同佢哋一齊合唱。

國家隊幾位健兒喺澳門演唱時出晒事

近日Eason就邀請佢哋欣賞演出
而近日於杭州繼續巡迴演唱嘅Eason，就兌現承諾邀請幾位金牌運動員欣賞演出，雖然當日講明有機會一定再唱嘅 覃海洋 同 孫佳俊 未有現身，而潘展樂、張雨霏、徐嘉余、王長浩就齊齊坐第一行最佳位置，Eason亦認為係幾位較少舞台經驗，加上現場音響問題，所以先會有當晚「突出」表現，之後又為幾位特別來賓清唱正版《孤勇者》，更笑言叫幾位聽就得，唔使合唱咁話。

為佢哋獻唱原版之餘，又為佢哋艱苦訓練打氣