富二代藝人張明偉認愛李麗珍女兒 與許倚榕蜜遊紐約放閃戀情曝光

李麗珍愛女許倚榕（Annise）被爆與男藝人張明偉拍拖，報道更指張明偉追咗女方一年先成功，早前張明偉同阮政峰為動畫配音，亦有預埋女友許倚榕，跟住張明偉拍新歌《一些事一些人》MV，又搵許倚榕參演，許倚榕同張明偉喺七、八月疑似分別喺社交平台各曬出紐英倫之旅嘅影片洩蜜。

張明偉同阮政峰為動畫配音，亦有預埋女友許倚榕。

張明偉喺今年暑假紐約旅行公開感謝「旅伴」照顧，更大曬女友視角。

咁啱許倚榕又喺暑假曬喺紐約Jay St-MetroTech Station嘅相。
35歲張明偉被爆戀情後，噚日大方認愛27歲許倚榕。二人拍拖一年幾亦不時流露甜蜜足跡，張明偉今年暑假喺紐約旅行嘅相並留言：「呢個Trip特別感恩，謝謝你的照顧。」公開感謝「旅伴」照顧，更大曬女友視角，咁啱許倚榕又喺暑假曬喺紐約Jay St-MetroTech Station嘅相，據知張明偉已見家長，許倚榕媽咪李麗珍對張明偉印象唔錯，對張明偉更讚口不絕。

張明偉拍新歌《一些事一些人》MV，又搵許倚榕參演。

據知張明偉已見家長，許倚榕媽咪李麗珍對張明偉印象唔錯。
張明偉當時喺《今日VIP》節目擔任PA，後嚟投考藝訓班並成功獲取錄，2012年成為藝員，曾於《愛．回家之開心速遞》演補習老師佐治，後嚟於2022年離開TVB，為樂隊Charming Way擔任主音名結他手。張明偉曾喺美國加州讀大學，許倚榕又曾喺溫哥華讀書，許倚榕目前從事市場推廣工作，張明偉家境不俗，其父係張永森律師，曾任區議會主席、市政局議員及臨時立法會議員，2016年更獲銅紫荊星章。
張明偉曾喺美國加州讀大學，家境不俗，其父係張永森律師。