MC張天賦轉清爽髮型11月考電單車牌 安全至上未敢載人

MC（張天賦）與吳君如主演嘅網騙愛情電影《我談的那場戀愛》衝破千萬票房，呢日MC跑足8場謝票，坦言對票房仍然有壓力，希望票房成績越嚟越好。

MC同君如合作嘅新片票房衝破千萬大關
MC平時去開黃埔一間戲院睇電影，今次去嗰度謝票時見到爆場，令佢印象好深刻；被問之後會唔會喺電影方面大展拳腳，MC就覺要睇導演對佢有冇信心給予機會，演一啲平淡角色做到有味道都係一件難事。
佢仲希望繼續鑽研更好嘅演技

MC透露近日轉清爽髮型係為11月考電單車牌作準備，佢笑指本身揸電單車嘅人都要麗質，因為戴頭盔冇得Gel頭同化妝，而MC直言暫時未有勇氣去載人。

下月佢就會應考電單車駕駛執照