蔡卓妍成廣告天后狂擸代言 TWINS將展開世巡演唱會

女子天團TWINS今年年初喺紅館舉行打破過往紀錄嘅14場演唱會，亦正式喺香港展開巡迴首站。完成香港站後，近幾個月又密集式喺內地巡迴。雖然係咁，一向係廣告商寵兒嘅阿Sa蔡卓妍單單喺今年上半年就已經接拍六個廣告兼代言，無論係個人護理產品抑或手遊，都有佢嘅代言之位，真係一個不折不扣嘅廣告天后。

雖然忙於唔同地方嘅巡迴演出，不過阿Sa仍同時狂接廣告同代言工作

 除此之外，阿Sa又透露十月中完成內地巡迴後，十一月中就會開始世界巡迴演唱會，第一站係美加巡迴：「我哋今次仲會去埋英國，呢個地方係我哋第一次去做演唱會，所以而家未出發先興奮呀！」

11月阿Sa同阿嬌就會分別到美加同英國開騷喇